Qostanaidyń «Tobyl» komandasy Ýkrainanyń «Dinamosyn» jeńdi, dep habarlaidy "Ult aqparat".
Búgin qostanailyqtar Túrkiiadaǵy oqý-jattyǵý jiyndary aiasynda Ýkrainanyń 15 dúrkin chempiony «Dinamo» komandasymen kezdesti. Birinshi taimda Kiev fýtbolshylary 2:0 esebimen jeńdi.
Oiynnyń ekinshi bóliginde Grigorii Babaian alańǵa birneshe tyń fýtbolshyny shyǵardy. Aldymen komanda kapitany Azat Nurǵaliev penaltiden esep aiyrmasyn qysqartsa, Serikjan Mujyqov tarazy basyn teńestirdi.
Munan soń Roman Murtazaev pen Petros Avetisian bir-birden gol soqty. Esep – 4:2! «Tobyl» jeńiske jetti.
Aita keteiik, bul – qostanailyq klýbtyń 2020 jyldaǵy birinshi jeńisi.
