Qostanai klýby Makedoniia ulttyq quramasynyń qorǵaýshysy Aleksa Amanovichpen eńbek kelisimin jasady, dep habarlaidy "Ult aqparat".
Klýb saityndaǵy málimet boiynsha, Aleksa – belgradtyq «Partizannyń» tárbielenýshisi. Kásibi fýtbolda «Teleoptik» FK quramynda debiýtin jasaǵan.
«Keiin qorǵaýshy «IMT Belgrad» klýbynda óner kórsetti. Budan soń Ivannitsanyń «Iavor» komandasyna aýysty. Osy komandanyń quramynda Amanovich tórt maýsym ótkizip, Serbiia Birinshi ligasynyń «kúmis» júldegeri jáne Kýboktyń finalisi boldy. Aleksa Makedoniia U-19 jáne U-21 quramalary sapynda oinady», - delingen «Tobyl» FK saitynyń aqparatynda.
Qorǵaýshymen kelisimshart eki jylǵa jasaldy.
