Fýtboldan Qazaqstan jasóspirimder quramasy Minskide ótken «Damý kýbogy» halyqaralyq týrnirinde ekinshi orynǵa ie boldy, dep habarlaidy "Ult aqparat".
Qazaqstandyqtar sońǵy oiynda Moldova quramasyn 5:0 esebimen tas-talqan etti.
Kiril Morýnov shákirtterinen, ásirese, shabýylshy Ian Trýfanov erekshe kózge túsip, het-triktiń avtory atandy.
Sondai-aq Gleb Valgýshev pen Miras Omatai bir-birden gol soqty.
Munyń aldynda qazaqstandyqtar bastapqy kezdesýinde Tájikstan quramasyna 1:7 esebimen (jalǵyz goldyń avtory Nikita Gýbarev) utylǵan edi. Degenmen ekinshi matchta alań ieleri – Belarýs quramasyn 4:2 esebimen (gol avtorlary: Miras Omatai, Ámiráli Orazbek, Ámir Temirǵali jáne Ian Trýfanov) tize búktirdi.
Qazaqstan fýtbol federatsiiasy málim etkenindei, osy eki jeńistiń arqasynda jasóspirimder quramasy halyqaralyq týrnirdiń kúmis júldesine ie boldy.
