2020 jylǵy OLIMPBET-fýtboldan Qazaqstan Chempionatynyń úzdik goly anyqtaldy, dep habarlaidy "Ult aqparat" Qazaqstan kásipqoi fýtbol ligasyna silteme jasap.
Kásipqoi liga mamandary fýtboldan Qazaqstan Chempionatynyń ótken maýsymdaǵy úzdik golyn anyqtaý maqsatynda arnaiy saýalnama uiymdastyrǵan bolatyn.
Oǵan sport jankúierleri men BAQ ókilderi qatysty.
Saýalnama QKFL Vkontakte áleýmettik jelisiniń resmi tobynda ótkizildi. Jankúierler tańdaýyna tamyz, qyrkúiek, qazan jáne qarasha ailarynda ótken saýalnama boiynsha úzdik atanǵan 4 gol usynyldy. Sharaǵa barlyǵy 1199 adam qatysty.
Saýalnama qorytyndysy boiynsha 2020 jylǵy OLIMPBET-fýtboldan Qazaqstan Chempionatynyń eń úzdik golynyń avtory bolyp Ashat Taǵybergenniń esimi ataldy.
Qyzylordalyq fýtbolshy jetinshi týrdaǵy «Qaisar» – «Tobyl» (2:1) kezdesýinde alystan gol soqqan-dy.
Qyzylordalyq komanda oiynshysynyń golyna 570 (47,54 %) qatysýshy daýys berdi.
Aita keteiik, Ashat Taǵybergen QR ulttyq quramasynda oinaidy. Ol buǵan deiin de el birinshiliginde úzdik gollardyń avtory atanǵan.
