Fýtboldan birinshi liga komandalary arasyndaǵy Qazaqstan chempionaty jalaýyn kóterdi, dep habarlaidy "Ult aqparat".
Qazaqstan kásipqoi fýtbol ligasy dop dodasynyń 1-7 týr oiyndarynyń kúntizbesin jariialady. Jańa maýsymda komandalar eki konferentsiia boiynsha synǵa túsedi.
Birinshi konferentsiiada «Aqtóbe», «Altai», «Maqtaaral», «Baiqońyr», «Qyran», «Ekibastuz» jáne «Arys» komandalary sheberlik baiqasady. Bul oiyndar Shymkent qalasyndaǵy «Biik» sport kesheninde ótkiziledi.
Ekinshi konferentsiiada «Atyraý», «Aqjaiyq», «Jetisý B», «Qairat-Jastar», «Akademiia Ońtústik», «Shahter-Bolat» jáne SDIýSShOR № 8 komandalary oinaidy. Atalǵan komandalar Almaty oblysy Talǵar qalasynda ornalasqan Qazaqstan fýtbol federatsiiasynyń ulttyq quramalar bazasynda jasyl alańǵa shyǵady.
Komandalar alǵashqy týr oiyndaryn ótkizdi. Birinshi konferentsiiada «Arys» «Altaidan» 2:0, «Ekibastuz» «Maqtaraldan» 3:2, «Qyran» «Baiqońyrdan» 3:0 esebimen basym tústi. Al ekinshi konferentsiiada «Jetisý B» «Shahter-Bolatty» 4:1, «Akademiia-Ońtústik» «Qairat-jastardy» 3:1 esebimen tize búktirdi. Búgin «Aqjaiyq» pen SDIýSShOR № 8 komandalary arasynda oiyn ótedi.
Birinshilik eki ainalymnan turady. Árbir konferentsiia jeńimpazy Premer-ligaǵa joldama alady.
