Elordalyq «Astana» komandasynyń 2020 jyldyń aqpan aiynda fýtboldan Portýgaliiada ótetin halyqaralyq «Atlantic Cup» joldastyq týrnirindegi qarsylastary anyqtaldy, dep habarlaidy "Ult aqparat".
«Astana» A tobynda synǵa túsedi. Qarsylastary - Daniianyń «Brondbiý» jáne «Kopengagen», «Shvetsiianyń» «Norrcheping» komandalary. Al V tobynda Daniianyń «Orhýs», Shvetsiianyń «Hakken» jáne Chehiianyń «Slaviia» klýbtary sheberlik baiqasady.
«Atlantic Cup» joldastyq týrniri 31 qańtar jáne 8 aqpan aralyǵynda ótkiziledi.
Halyqaralyq týrnir 2011 jyldan beri ótkizilip keledi. Búgingi kúnge deiin toǵyz komanda jeńimpaz atanyp úlgerdi. Olardyń qatarynda Daniianyń «Midtiýllann», «Kopengagen», «Orhýs», Reseidiń «Zenit», «Dinamo» (Máskeý), Avstriianyń «Rapid Vien», «Red Býll Zaltsbýrg», Shvetsiianyń «Elfsborg», Horvatiianyń «Rieka» komandalary altynnan alqa taqty.
