Búgin fýtboldan Premer-liga komandalary arasyndaǵy Qazaqstan birinshiliginiń alǵashqy týrynda úsh oiyn ótti, dep habarlaidy "Ult aqparat".
El birinshiligin Almatyda jergilikti «Qairat» pen Taldyqorǵannyń «Jetisý» komandalary arasyndaǵy kezdesý ashty. Ótken jylǵy el chempiony qarsylasynyń osal tusyn taba bildi. Olardyń qatarynan Neboisha Kosovich 69, Gýljigit Alyqulov 72-minýttarda kózdegen nysanadan múlt ketken joq. Nátijesinde almatylyq klýb 2:0 esebimen basym tústi.
Taǵy bir kezdesý Túrkistan qalasynda ótkizildi. Jergilikti «Turan» elordalyq «Astana» klýbymen sheberlik baiqasty. Oiyn barysynda elordalyq Marin Tomasov 9-minýtta esep ashsa, túrkistandyq Tańat Nóserbaev 18-minýtta tarazy basyn teńestirdi. Al 54-minýtta Abzal Beisebekov soqqan goldan keiin «Astana» taǵy da alǵa shyqsa, 68-minýtta túrkistandyq Mardan Tólebek qorytyndy esepte belgiledi. Oiyn 2:2 esebimen teń aiaqtaldy.
«Atyraý» komandasy óz alańynda Qaraǵandynyń «Shahter» klýbyn qabyldady. Oiyn taǵdyryn qaraǵandylyq klýb sapynan Vitalii Balashov 14-minýtta soqqan jalǵyz gol sheship, kenshiler 1:0 esebimen jeńiske jetti.
Endi 14 naýryzda birinshi týrdaǵy qalǵan tórt oiyn bolady. Aldymen 15.00-de «Kaspii» (Aqtaý) men «Aqtóbe», «Ordabasy» (Shymkent) men «Qyzyljar» (Petropavl), 17.00-de «Qaisar» (Qyzylorda) men «Taraz», «Tobyl» (Qostanai) men «Aqjaiyq» (Oral) komandalary sheberlik baiqasady.
