Shvetsiianyń Ore qalasynda fristail-mogýldan Álem kýbogynyń kezeńi aiaqtaldy. Jarystar barysynda qazaqstandyq sportshy Anastasiia Gorodko eki márte minberge kóterildi, dep habarlaidy "Ult aqparat".
QR Ulttyq Olimpiadalyq komitetiniń málimetine sáikes, A.Gorodko «paralleldi mogýlda» birinshi boldy. Ol finalda Germaniia ókili Hanna Vesseni basyp ozdy.
Sondai-aq sportshymyz «mogýl» kezeńinde «qola» aldy. Baǵdarlamanyń atalmysh túrinde altyn medal Niderlandy ókili Janeke Berghýiske buiyrdy. «Kúmisti» shvetsiialyq Mai Berkman ielendi.
Eýropa kýbogynyń jalpy esebinde A.Gorodko kóshbasshylyq pozitsiiany saqtap keledi.
