Frantsiianyń burynǵy prezidenti Jak Shirak 87 jasqa qaraǵan shaǵynda qaitys boldy. Bul aqparatty Jak Shiraktyń otbasyna silteme jasaǵan AFP agenttigi habarlady.
Jak Shirak – Frantsiianyń 22-prezidenti. Ol bilikte bolǵan kezde prezident ókilettiginiń merzimi 7 jyldan 5 jylǵa qysqartylǵan. Prezident bolǵanǵa deiin Shirak 18 jyl Parij meriiasyn basqarǵan. Valeri Jiskar d'Esten jáne Fransýa Mitteran prezidenttigi tusynda úkimetke jetekshilik etken.
60-jyldardyń basynda saiasatqa aralasa bastaǵan Shirak Sharl de Goll jáne Djordj Pompidýdyń sailaýaldy kampaniiasyna qatysqan. 1974 jyly Pompidý qaitys bolǵannan keiin "Respýblikany qoldaý odaǵy" partiiasynyń jetekshi boldy.
Budan keiingi jyldary premer-ministr qyzmetin atqardy. Keiinnen otstavkaǵa ketip, oppozitsiia qataryna qosyldy. Biraq 1977 jyly Parij meri bolyp bilikke qaita oraldy. 1995 jylǵy prezident sailaýynda jeńiske jetti.
2007 jyly mamyr aiynda prezidenttik ókiletin tapsyrǵannan keiin Frantsiia konstitýtsiialyq keńesiniń ómir boiǵy múshesi boldy. "Parij meri bolǵanda, 1990-1995 jyldary qyzmet babyn asyra paidalandy, memleket múlkin talan-tarajǵa saldy" degen aiyppen 2011 jyly jeltoqsanda 2 jylǵa shartty jazamen sottaldy.
Shirak jas kezinde orys tilin meńgergen, frantsýz tiline "Evgenii Onegindi" aýdarǵan. Jas kezinde Aljir soǵysyna qatysyp, táýelsiz Aljirge barǵan alǵashqy frantsýz prezidenti boldy.
