Memleket basshysynyń Frantsiiaǵa sapary aiasynda QR Ǵylym jáne joǵary bilim ministrligi Qazaqstannyń Frantsiiadaǵy elshiliginiń qoldaýymen Parij qalasynda Qazaqstan-Frantsýz joǵary oqý oryndarynyń jetinshi forýmyn ótkizdi.
Forýmnyń ashylýynda sóz sóilegen Ǵylym jáne joǵary bilim ministri Saiasat Nurbek ministrlikti damytýdyń negizgi basymdyqtaryn atap ótti.
«Biz qazaqstandyq ýniversitetterde ǵylymdy damytýǵa basymdyq beremiz. Sonymen birge Ortalyq Aziiada bilim-ǵylym haby bolýdy josparlap otyrmyz», - dedi ministr.
Forýmdy ótkizý Memleket basshysynyń elimizde jetekshi sheteldik joǵary oqý oryndarynyń filialdaryn ashý qajettiligi týraly tapsyrmasyna bailanysty ózekti bolyp tabylady. Is-shara aiasynda qatysýshylar Qazaqstanda Frantsiianyń tehnikalyq joǵary oqý ornynyń filialyn ashý, birlesken bilim berý jáne qos diplomdy baǵdarlamalardy júzege asyrý, «500 ǵalym» baǵdarlamasyn iske asyrý jáne t. b. múmkindikterdi talqylady.
Forým jumysyna 13 qazaqstandyq ýniversitet, «Halyqaralyq baǵdarlamalar ortalyǵy» AQ, sondai-aq Frantsiianyń 25-ten astam joǵary oqý orny qatysty.
Sonymen qatar, Qazaqstan men Frantsiia ýniversitetteri arasyndaǵy yntymaqtastyqty jandandyrý jáne jelilik bailanysty kúsheitý maqsatynda otandyq joǵary oqý oryndarynyń kórmesi uiymdastyryldy.
Forým qorytyndysy boiynsha Qazaqstan Respýblikasy men Frantsýz Respýblikasynyń joǵary oqý oryndary, «Halyqaralyq baǵdarlamalar ortalyǵy» AQ arasynda frantsýz seriktesterimen ózara túsinistik týraly 14 memorandýmǵa qol qoiyldy.
