Frantsiianyń Niettestik jáne densaýlyq saqtaý ministri Olive Veran el úkimetiniń COVID-19 anyqtaityn 1,6 mln ekspress testini qarttar úilerine jiberip jatqanyn málim etti, dep habarlaidy "Ult aqparat".
Bul testiler áleýmettik mekeme qyzmetkerleriniń arasynda infektsiiany jedel anyqtaýǵa múmkindik beredi. Bul – Frantsiia úkimetiniń ásirese pandemiianyń birinshi tolqynynan kóbine moraldik jaǵynan zardap shekken qarttar úileriniń turǵyndaryn jappai oqshaýlanýyn boldyrmaýǵa qatysty qoldanyp jatqan sharalanyń bir bóligi. Osy aptada osyǵan uqsas keńinen ekspress testileý baǵdarlamasy Germaniiada iske qosylǵan.
Frantsiiadaǵy qarttar úilerinde koronavirýs pandemiiasynyń qysymy aitarlyqtai ósip keledi: sońǵy aptanyń ishinde onda qaýipti virýstan 400-den astam adam qaitys bolǵan, kóptegen egde jastaǵy adamdar óz bólmesinde jalǵyz qamalyp, týysymen aralasýdan qalǵan.
«Bizdiń maqsatymyz – birinshi tolqynnan keiin ózimizge sabaq alý», - dedi Niettestik jáne densaýlyq saqtaý ministrliginde ministr-delegat Brijit Býrginon Parijden ońtústikke qarai ornalasqan qarttar úiine barǵan kezde.
Frantsiianyń Qoǵamdyq densaýlyqty saqtaý agenttiginiń málimetinshe, sońǵy eki aptanyń ishinde eldegi qarttar úiinde qaitys bolǵan adamdardyń sany bunyń aldyndaǵy bes aidyń ishinde kóz jumǵandardan áldeqaida kóp bolǵan. Juma kúni densaýlyq saqtaý ministri áleýmettik mekemelerdiń 15 paiyzynda qazirgi kezde virýsty juqtyrý oqiǵalarynyń jiilep ketkenin jáne «ólim deńgeiiniń kórsetkishi birinshi tolqyndaǵydai, kún sanap ósip jatqanyn» málimdedi.
Frantsiianyń qarttar úiinde koronavirýstan 12 079 adam ólgen. Bul – Frantsiiada COVID-19 virýsynan qaitys bolǵan adamdardyń tirkelgen jalpy sanynyn (39 037 adam) kóp bóligi jáne álemdegi eń joǵary kórsetkishtiń biri.
