Frantsiianyń Maien departamentindegi Shanje kommýnasynda 49 jolaýshy, sonyń ishinde kolledj stýdentteri mingen avtobýs joldan shyǵyp ketip, 20 adam túrli jaraqat aldy. Bul týraly beisenbide BFM telearnasy málim etti, dep habarlaidy QazAqparat.
Departamenttiń prefektýrasy jol apatynda basqa kólik quraldary zaqymdalmaǵanyn rastady. Avtobýs joldyń shetinde aýdarylyp qalǵan. Avtobýs júrgizýshisi oqiǵa ornyna kelgen tergeýshilerge ózin jaman sezingenin aitqan.
Politseiler eki zardap shegýshiniń aýyr halde jatqanyn habarlady. France Bleu radiostansasynyń málimetinshe, qutqarýshylar eki jaraqattanýshyny Laval qalasyndaǵy gospitalge jetkizgen.
