Frantsiianyń Densaýlyq saqtaý ministri Olive Verannyń aitýynsha, respýblikada koronavirýs pandemiiasynyń jańa tolqyny bastalyp jatyr, dep habarlaidy "Ult aqparat".
Olive Veran Frantsiia radiosyna bergen suhbatynda shilde aiynan bastap elde virýs juqtyrý oqiǵalarynyń sany qaita ósip jatqanyn, biraq COVID-19 diagnozy qoiylǵan patsientterdi aýrýhanaǵa jatqyzý kórsetkishi ázirge tómendep otyrǵanyn málimdedi.
Frantsiia aýrý juqtyrý ósimin COVID-19 delta shtamynyń taralýymen bailanystyryp otyr.
«Eger osyndai úrdis saqtalsa, bul aýrýhanaǵa jatqyzý kóleminiń ósimine ákeledi», - dep eskertti ministr Olive Veran.
Frantsiia biligi pandemiianyń jańa tolqynynyń jaqyndaýyn báseńdetip, qatań karantindi boldyrmas úshin turǵyndardy vaktsinalaýdy tezdetý qajet dep sanap otyr.
Búgin Frantsiia prezidenti Emmaniýel Makron qorǵanys keńesiniń otyrysyn ótkizip, onda densaýlyq saqtaý salasy qyzmetkerlerin mindetti vaktsinalaý máselesi ortaǵa salynady.
10 shildede Frantsiiada COVID-19 virýsyn juqtyrýdyń 4696 jańa faktisi tirkelgen, bul bir apta buryn tirkelgen kórsetkishten (3006) bir jarym ese kóp.
