Frantsiia úkimeti «sanitarlyq ruqsattamalardy» qoldanýdy keńeitý jáne aýrýhana qyzmetkerleri úshin mindetti vaktsinatsiia talaby týraly baǵdarlamany jariialaǵannan keiin eldegi vaktsinatsiia qarqyny artty, dep habarlaidy QazAqparat.
Dúisenbi kúni Frantsiia prezidenti Emmaniýel Makron 40 mln el turǵyny koronavirýsqa qarsy vaktsinanyń keminde birinshi dozasyn alǵanyn málimdedi. Bul Frantsiia halqynyń 60%-yn quraidy. Sońǵy eki aptada vaktsinatsiia qarqyny artty.
Frantsiialyq BAQ habarlaǵandai, buǵan «sanitarlyq ruqsatnamalardy» qoldaný jáne meditsina qyzmetkerlerin mindetti túrde vaktsinalaý yqpal etti.
Sondai-aq eldiń 33 millionnan astam turǵyny (50%-ǵa jýyǵy) tolyq vaktsinalandy (eki dozasyn aldy).
Frantsýz biligi tamyz aiynyń sońyna deiin vaktsinanyń kem degende bir dozasyn 50 million adamnyń alýyn kózdeidi.
Sondai-aq shilde aiynyń ekinshi jartysynda Frantsiiada «delta» nusqasynyń taralýyna bailanysty koronavirýs juqtyrýshylar sany artýda.
25 shildede koronavirrýs juqtyrýdyń 16 myń jańa jaǵdaiy anyqtaldy. Aidyń basynda bir táýlikte 2,5 myńǵa jýyq jaǵdai tirkelgen bolatyn.
Bilik ókilderi atap ótkendei, koronavirýsqa shaldyqqandardyń kópshiligi – ekpe almaǵan turǵyndar.
Shetelge sapary barysynda prezident E.Makron respýblika turǵyndaryn ekpe alýǵa shaqyryp, vaktsinadan bas tartqandardy «jaýapsyzdar» men «ózimshilder» dep aiyptady.
