Qaqaǵan aiazda qinalǵan Baian-Ólgiidegi qazaq otbasylaryna Frantsiia qazaqtary kómir túsirip berip, kiim-keshek taratty. Kómek alǵan otbasylar áleýmettik jelide alǵys jaýdyryp jatyr, dep jazady centralasian.org portaly.
Mońǵoliianyń Baian-Ólgii aimaǵynda shamamen 100 myńǵa jýyq qazaq otbasy turady. Qańtar aiynyń ortasynda qystyń qatty bolyp jatqanyn estigen Frantsiiadaǵy qazaq qoǵamy (AKFT) mońǵoliialyq qazaq otbasylaryna kómir men ózge de qajetti zattar alýy úshin aqsha jinap beripti.
- Shamamen 40 tonnadai kómir aldyq. Odan bólek otyn, kiim-keshek, oqýshy balalarǵa dápter, qalam, qaǵaz-qaryndash aldyrdyq. Kómiri joq otbasylarǵa mashinamen túsirip berdik. Kómir almaǵandar otyn, kiim-keshek siiaqty zattar aldy. Munda kedei otbasylar kóp, - deidi Baian-Ólgii turǵyny Dákei Byqiuly.
Onyń aitýynsha, biyl qys qatty bolǵandyqtan aimaqtaǵy kóp otbasy kómir túsiretin aqshalary bolmai, qinalyp qalǵan. Frantsiia qazaqtary jibergen kómek qystyń kózi qyraýda sál de bolsa demeý bolǵan.
Frantsiiadaǵy qazaqtar qoǵamynyń dereginshe, qazir Frantsiiada 250-dei qazaq otbasy turady. Olardyń 175-i qoǵamǵa múshe. Parijden alystaý jerlerde turatyndary qoǵamǵa áli tirkelmegen.
Biyl Mońǵoliiamen qatar Qazaqstanda da qańtar aiynda kún qatty sýyp, shyńyltyr aiaz kezinde birneshe qalada mektepter jabylyp, kómir men gaz tapshylyǵy baiqalǵan.
