قاقاعان ايازدا قينالعان بايان-ٶلگييدەگٸ قازاق وتباسىلارىنا فرانتسييا قازاقتارى كٶمٸر تٷسٸرٸپ بەرٸپ, كيٸم-كەشەك تاراتتى. كٶمەك العان وتباسىلار ەلەۋمەتتٸك جەلٸدە العىس جاۋدىرىپ جاتىر, دەپ جازادى centralasian.org پورتالى.
موڭعولييانىڭ بايان-ٶلگيي ايماعىندا شامامەن 100 مىڭعا جۋىق قازاق وتباسى تۇرادى. قاڭتار ايىنىڭ ورتاسىندا قىستىڭ قاتتى بولىپ جاتقانىن ەستٸگەن فرانتسيياداعى قازاق قوعامى (AKFT) موڭعولييالىق قازاق وتباسىلارىنا كٶمٸر مەن ٶزگە دە قاجەتتٸ زاتتار الۋى ٷشٸن اقشا جيناپ بەرٸپتٸ.
- شامامەن 40 تونناداي كٶمٸر الدىق. ودان بٶلەك وتىن, كيٸم-كەشەك, وقۋشى بالالارعا دەپتەر, قالام, قاعاز-قارىنداش الدىردىق. كٶمٸرٸ جوق وتباسىلارعا ماشينامەن تٷسٸرٸپ بەردٸك. كٶمٸر الماعاندار وتىن, كيٸم-كەشەك سيياقتى زاتتار الدى. مۇندا كەدەي وتباسىلار كٶپ, - دەيدٸ بايان-ٶلگيي تۇرعىنى دەكەي بىقيۇلى.
ونىڭ ايتۋىنشا, بيىل قىس قاتتى بولعاندىقتان ايماقتاعى كٶپ وتباسى كٶمٸر تٷسٸرەتٸن اقشالارى بولماي, قينالىپ قالعان. فرانتسييا قازاقتارى جٸبەرگەن كٶمەك قىستىڭ كٶزٸ قىراۋدا سەل دە بولسا دەمەۋ بولعان.
فرانتسيياداعى قازاقتار قوعامىنىڭ دەرەگٸنشە, قازٸر فرانتسييادا 250-دەي قازاق وتباسى تۇرادى. ولاردىڭ 175-ٸ قوعامعا مٷشە. پاريجدەن الىستاۋ جەرلەردە تۇراتىندارى قوعامعا ەلٸ تٸركەلمەگەن.
بيىل موڭعولييامەن قاتار قازاقستاندا دا قاڭتار ايىندا كٷن قاتتى سۋىپ, شىڭىلتىر اياز كەزٸندە بٸرنەشە قالادا مەكتەپتەر جابىلىپ, كٶمٸر مەن گاز تاپشىلىعى بايقالعان.
