Almaty halyqaralyq áýejaiynda tekseris kezinde oq tabylǵan Germaniianyń eki azamaty ustaldy. Bul týraly IIM kóliktegi politsiia departamentiniń baspasóz hatshysy Lázzat Qasymjanova habarlady, dep jazady Sputnik Qazaqstan.
28 qyrkúiekte kólik politseileri 64 jastaǵy er adam men 43 jastaǵy áieldi ustady. Olar Frankfýrt-Almaty reisimen kelgen.
Tekserý kezinde 30-06 millimetr jáne 300 millimetr kalibrli patrondar tabyldy.
Almaty áýejaiy politsiia jelilik bóliminiń qyzmetkerleri Ákimshilik quqyqbuzýshylyq týraly kodekstiń 484-baby 1-bóligine sáikes hattama toltyrdy. Bul bapta azamattyq, qyzmettik, marapattyq, kollektsiialyq qarýdy, onyń patrondaryn ielený, paidalaný, tasymaldaý, Qazaqstan Respýblikasynyń aýmaǵyna ákelý úshin jaýapkershilik qarastyrylǵan.
Árqaisysy 10 ailyq eseptik kórsetkish (29 170 teńge) kólemindegi aiyppul tóleitin bolady.
Dál osy kúni Almaty áýejaiynda 1979 jyly týǵan Almaty oblysynyń turǵyny ustaldy. Ol Nur-Sultanǵan bet alǵan ushaq bortyna elektroshokermen kirmek bolǵan.
"Qazirgi ýaqytta bul quralǵa sot-elektrotehnikalyq saraptama taǵaiyndaldy", - dep jazylǵan departament aqparatynda.
Ákimshilik quqyqbuzýshylyq týraly kodekstiń 482-baby 1-bóligine sáikes ("jeke jáne zańdy tulǵalardyń qarýdy zańsyz ielenip alýy, berýi, ótkizýi, saqtaýy, alyp júrýi, tasymaldaýy") ákimshilik hattama toltyryldy.
