Frantsiianyń «France 2» telearnasy «Singer-2017» án baiqaýynda baq synap jatqan Dimash Qudaibergenniń Qytai elindegi tanymaldyǵy jóninde reportaj jasady, dep habarlaidy QazAqparat.
«Siz myna keremet daýysty estip tursyz ba? Bul ǵajap daýys iesiniń esimi - Dimash. Búgin biz osy jas jigit týraly jáne ony Qytaida sonshalyqty tanymal etken áleýmettik jeliler jóninde áńgime qozǵaityn bolamyz», - dep bastaidy sózin Frantsiia teleaýditoriiasynyń 40 paiyzyn qamtyp otyrǵan tańerteńgilik baǵdarlamanyń júrgizýshisi. - Ol Daniel Balavýannyń óte kúrdeli ánin oryndady. Osy úshin oǵan medal tabys etý qajet», - dep ázildedi júrgizýshi.
Frantsýz baǵdarlamasynda Dimashty «óte kórikti, túr álpeti qytaiǵa uqsaidy» dep sipattady. Reportajda «Dimash Qudaibergenniń ulty qazaq, ol qytai tilinde sóilemeidi» dep atap ótken. Biraq, soǵan qaramastan Weibo-daǵy (Qytaidaǵy týitterdiń balamasy) onyń oqyrmandarynyń sany 3 millionǵa jetip jyǵylady.
Jalpy Dimash án oryndaǵan videony áleýmettik jelide 1,5 milliard adam tamashalaǵan.
Eske sala keteiik, Dimash Qudaibergen "Singer 2017" jobasynyń 10-kezeńinde úshinshi orynǵa ie bolyp, baiqaýdyń finalyna joldama alǵan bolatyn.
