Halyqaralyq avtomobil federatsiiasy (FIA) «Formýla 1» avtomobilder klasyndaǵy jarystar boiynsha álem chempionaty maýsymnyń 5 shildede bastalýyn maquldady. Bul týraly The Judge 13 portaly habarlady.
Derekkóz aqparaty boiynsha «Formýla 1» basshylyǵy juma kúni FIA-dan tiisti habarlama alǵan. Aýstriia qatarynan eki kezeńdi qabyldaidy degen boljam bar. Jarystyń birinshi kezeńi 5 shildede, al ekinshisi - 8 nemese 9 shildede ótýi múmkin. Izinshe eki kezeń Ulybritaniiada (19 jáne 23 shildedegi jarystar) ótedi. Báseke - kórermendersiz, avtodromǵa transliatsiiany qamtamasyz etetin televiziialyq brigadalar ǵana jiberiledi.
«Árbir komanda jeke otelde ornalastyrylatyn bolady. Komandalarǵa ádettegidei shekteýler qoiylady», deidi «Formýla 1» komandalarynyń birine jumys jasaityn The Judge 13 derekkózi.
Koronavirýs pandemiiasyna bailanysty «Formýla 1» kúntizbesi aitarlyqtai ózgeristerge ushyrady.
Budan buryn Aýstraliiadaǵy, Monako jáne Frantsiiadaǵy Gran-pri ótkizilgen joq, sondai-aq Bahreindegi, Vetnamdaǵy, Kanadadaǵy, Qytaidaǵy, Niderlandydaǵy, Ispaniiadaǵy, Ázerbaijandaǵy kezeńder belgisiz merzimge shegerildi.
Reseilik kezeń 25-27 qyrkúiekke josparlanyp otyr.
