Shanhaida 17-19 sáýirde ótýi tiis «Formýla-1» mashinalar avtojarysynan álem chempionatynyń kezeńi koronavirýsqa bailanysty belgilengen merzimde ótpeitin boldy. Bul týraly sársenbi kúni britaniialyq Times gazeti jazdy.
Basylymnyń málimetinshe, qazirgi tańda kezeńdi keiinge qaldyrý nemese toqtatý máselesi sheshilip jatyr. Budan buryn uiymdastyrýshylar jarysty sáýirde uiymdastyrý múmkin bolmasa keiinge aýystyrylatyndyǵyn málim etken edi.
«Formýla-1» sport direktory Ross Braýn osy maýsymdaǵy kezeńdi Qytaida ótkizýge qyzyǵýshylyq tanytyp otyrǵandaryn atap ótti. Braýnnyń aitýynsha, «Formýla-1» basshylyǵy Qytai Gran-priin jyldyń sońyna qarai aýystyrýdyń zańdy múmkindigin qarastyrýda, sondai-aq bul máselede Qytai biligi men promoýter óz qorytyndysyn bergenin kútip otyr.
Sońǵy ret «Formýla-1» gran-prii kezeńi 2011 jyly bolmai qalǵan edi. Ol Bahreindegi jappai narazylyq aktsiialaryna bailanysty ótkizilgen joq.
