«Formýla-1» eki dúrkin chempiony ispandyq Fernando Alonso Saýd Arabiiasynda ótip jatqan «Dakar» ralli-marafonynyń 10-kezeńinde apatqa ushyrady, dep habarlaidy "Ult aqparat".
Alonso arnaiy ýchaskeniń 87-shi shaqyrymynda dóńnen sátsiz tústi, ispandyqtyń avtokóligi eki ret aýdaryldy.
Aita keteiik, bul «Dakardaǵy» onyń debiýti edi. Alonso men shtýrmany ispandyq Mark Koma zardap shekken joq, al kóliktiń aldyńǵy áinegi zaqymdanǵan. Motorsport.com portalynyń habarlaýynsha, ekipaj jarysty áineksiz jalǵastyryp, sodan keiin tehnikalyq kómek kóligin kútý úshin toqtaǵan, keiin qaitadan qozǵalysty jalǵastyra bergen. Ainalymnyń birinshi baqylaý núktesinde Alonso kóshbasshydan 1 saǵat 8 minýt 16 sekýndqa qalyp qoidy.
