Qazaqstandyq belgili kásipker, "Ana úii" qoǵamdyq qory qamqorshylyq keńesiniń tóraǵasy Aidyn Raqymbaev Ońtústik Qazaqstan oblysynda jabylyp zorlaý áreketiniń qurbany bolǵan jeti jastaǵy ul balanyń kúsheitilgen kúzetpen, qaýipsiz jerde ekenin aitty. Ol bul týraly Facebook paraqshasynda jazdy.
"Endi bala qaýipsiz jerde, ol anasymen birge bizdiń "Ana úiinde" kúsheitilgen kúzetpen!! Jat qylyqty táteden áreń alyp kettik..., nege ekeni, oǵan Astanada kómek kórsetilgen jáne OQO politseileri balany bermegen! Arýjan Sain jarady", - dep jazdy Raqymbaev 16 naýryzda keshke.
Aidyn Raqymbaev - BI Group qurylys kompaniiasynyń aktsioneri jáne tóraǵasy.
Aita keteiik, balanyń anasy memlekettik qamqorlyqtan bas tartyp, táýelsiz saraptama jasaý úshin ulyn Almatyǵa aparýǵa sheshim qabyldady. QR bala quqyqtary jónindegi ýákili Zaǵipa Bálievanyń aitýynsha, anasynyń balasyna qatysty barlyq quqyǵy bar.
Eske sala keteiik, birneshe kún buryn Jelide OQO-nyń Saryaǵash aýdanyndaǵy Abai aýylynda jeti jasar bala zorlandy degen aqparat taraǵan. Balany jabylyp zorlaǵandar joǵary synyptyń oqýshylary bolýy múmkin. Qazir bul oqiǵa qyzý talqylanyp jatyr. Sonymen qatar, birneshe politsei qyzmetinen bosatyldy. Bul isti Bas prokýratýra óz qolyna aldy.
