Amerikandyq Tesla jáne SpaceX kompaniialarynyń basshysy Ilon Mask Forbes jýrnalynyń nusqasy boiynsha álemdegi eń dáýletti adamdardyń tizimine kirdi, dep habarlaidy "Ult aqparat" jýrnaldyń saityna silteme jasap.
Basylym málimetinshe, qazirgi kezde dáýleti 74 milliard dollardan asyp otyrǵan Mask alǵash ret milliarderler reitinginde osynshama joǵary kóterilip, Ýorren Baffet pen Stiv Balmerden ozyp ketken.
Naýryz aiynyń ortasynda 49 jastaǵy Masktiń esimi Forbes jýrnalynyń milliarderler tiziminde 31-shi orynda bolǵan. Sol kezde onyń jeke kapitaly 25 milliard dollarǵa jýyq edi. Sodan beri dáýleti shamamen úsh ese ósip, 74,2 milliard dollardy quraǵan – onyń barlyǵy Tesla-nyń arqasynda.
Forbes dúisenbi kúni ótken saýda kezinde Tesla aktsiialary taǵy 9,5 paiyzǵa qymbattap, 1 643,00 AQSh dollaryna deiin jetken. Bul 29 maýsymnan beri, nebári úsh aptada 60 paiyzǵa, jáne tek 2020 jyly 300-ge jýyq paiyzǵa kóbeigenin kórsetip tur.
Endi Tesla 304,5 milliard dollar naryqtyq kapitaldandyrýy bar tek eń baǵaly avtomobil kompaniiasy ǵana emes, onyń quny Ford, Ferrari, General Motors jáne BMW kompaniialaryn qosa alǵandaǵy baǵadan artyq.
Mask Forbes-taǵy eń bai amerikandyq azamattarynyń tizimine alǵash ret 2012 jyly engizilip, sol kezde 2,4 milliard dollar taza tabyspen 190-shy orynda boldy. Biylǵy jyldyń 1 qańtarynda ol ǵalamshardaǵy eń bai adamdar tiziminde 37-shi orynnan kórindi. Olai bolǵanymen, Tesla-nyń aiaqasty jáne áserli ósimi ony álemdegi eń dáýletti adamdardyń tizimine kirgizdi.
Masktiń ózi bolsa, aidyń basynda Forbes jýrnalymen hat jazysý kezinde ol úshin sandar men jeke kapitaly mańyzdy emes ekenin málimdedi. «Sandar ósedi, túsedi, is júzinde adamdar jaqsy kóretin tamasha ónimder shyǵara bilý mańyzdy», - dep jazdy ol.
Ǵalamshardyń eń bai adamdarynyń reitinginde Masktiń aldynda Amazon korporatsiiasynyń bastyǵy Djeff Bezos, frantsiialyq LVMH kompaniialar tobynyń basshysy Bernar Arno, Microsoft negizin qalaýshy Bill Geits jáne Facebook basshysy Mark Tsýkerbergtiń esimderi tur.
