Petropavlda FlyArystan áýe kompaniiasy Almatyǵa áýe reisin ashty. Eki qala arasyndaǵy birjaqty bailanys quny 10 myń teńgeden bastalmaq, dep habarlaidy "Ult aqparat".
FlyArystan baǵdaryn keńeitip, ushý kestesine Petropavl qalasyn qosty. Almatyǵa alǵashqy áýe reisi 13 naýryz kúni jasalady. 10 myń teńge tólep, 2 saǵat 10 minýttyń ishinde ońtústik qalaǵa jetý múmkin bolmaq.
«Bilettiń baǵasy 10 myń teńgeden bastalady. Baǵasy arzan bolýy úshin birer ai buryn satyp alý qajet. Sondai-aq, baǵa neǵurlym arzan bolsa – soǵurlym ereje qatań. Mysaly arzan bilet alsańyz, ózińizben birge tek 5 kelige deiin júk ala alasyz. Taǵy bir eskertetin jait, biletti deldaldarsyz kompaniianyń saitynan alǵan tiimdi», - deidi FlyArystan áýe kompaniiasynyń marketing jáne satylymdar boiynsha direktory Janar Jailaýova.
Búginde kompaniia bir kúnde 28 reis jasaidy. Ótken jyldyń mamyr aiynan bastap 900 myń jolaýshyny barar jerine jetkizgen. Petropavldan ushaq aptasyna tórt ret: dúisenbi, sársenbi, juma, jeksenbi kúnderi ushatyn bolady. Airbus A320 laineri jańa, qoldanysqa berilgenine alty jyldan ǵana asypty. Qazirgi kezde biletterdiń 20 protsenti satylǵan.
