Fizika salasy boiynsha biylǵy Nobel syilyǵy lazerlik tehnologiia salasynda "jańashyl zertteýler" júrgizgen AQSh, Kanada jáne Frantsiia ǵalymdaryna berildi.
Shvetsiia ǵylym akademiiasynyń 2 qazanda habarlaýynsha, syilyqqa amerikalyq Artýr Eshkin, frantsýz Jerard Morý jáne kanadalyq ǵalym Donna Striklend laiyqty dep tanyldy.
Eshkin syilyqty jaryqtyń usaq bólshekterge manipýliatsiia jasaýyna múmkindik beretin optikalyq "saýsaqtar" oilap tapqany úshin jeńip aldy.
Lazer sáýlesiniń "saýsaqtary" virýs, bakteriia jáne basqa da jandy jasýshalardy zaqym keltirmei zerttep, manipýliatsiia jasai alady. Osylaisha, jandy aǵzalardyń tirshilik mehanizmin zerttep, baqylaýǵa múmkindik týady.
Morý men Striklend bul salada "jelilik jiiliktegi impýls" degen atpen belgili óte qysqa jáne jyldam lazerlik impýlsterdi damytqan. Bul zertteýler ónerkásip pen meditsinada keń qoldanylady.
Donna Striklend fizika salasynda Nobel syilyǵyn ielengen úshinshi áiel atanyp otyr.
