فيزيكا سالاسى بويىنشا بيىلعى نوبەل سىيلىعى لازەرلٸك تەحنولوگييا سالاسىندا "جاڭاشىل زەرتتەۋلەر" جٷرگٸزگەن اقش, كانادا جەنە فرانتسييا عالىمدارىنا بەرٸلدٸ.
شۆەتسييا عىلىم اكادەميياسىنىڭ 2 قازاندا حابارلاۋىنشا, سىيلىققا امەريكالىق ارتۋر ەشكين, فرانتسۋز جەرارد مورۋ جەنە كانادالىق عالىم دوننا ستريكلەند لايىقتى دەپ تانىلدى.
ەشكين سىيلىقتى جارىقتىڭ ۇساق بٶلشەكتەرگە مانيپۋلياتسييا جاساۋىنا مٷمكٸندٸك بەرەتٸن وپتيكالىق "ساۋساقتار" ويلاپ تاپقانى ٷشٸن جەڭٸپ الدى.
لازەر سەۋلەسٸنٸڭ "ساۋساقتارى" ۆيرۋس, باكتەرييا جەنە باسقا دا جاندى جاسۋشالاردى زاقىم كەلتٸرمەي زەرتتەپ, مانيپۋلياتسييا جاساي الادى. وسىلايشا, جاندى اعزالاردىڭ تٸرشٸلٸك مەحانيزمٸن زەرتتەپ, باقىلاۋعا مٷمكٸندٸك تۋادى.
مورۋ مەن ستريكلەند بۇل سالادا "جەلٸلٸك جيٸلٸكتەگٸ يمپۋلس" دەگەن اتپەن بەلگٸلٸ ٶتە قىسقا جەنە جىلدام لازەرلٸك يمپۋلستەردٸ دامىتقان. بۇل زەرتتەۋلەر ٶنەركەسٸپ پەن مەديتسينادا كەڭ قولدانىلادى.
دوننا ستريكلەند فيزيكا سالاسىندا نوبەل سىيلىعىن يەلەنگەن ٷشٸنشٸ ەيەل اتانىپ وتىر.
