Fizika salasyndaǵy 2020 jylǵy Nobel syilyǵy seisenbi kúni Rodjer Penroýz, Reinhard Gentsel jáne Andrea Gezge berildi, dep jazady Euronews agenttigi.
Óz kezeginde, bul týraly Shved koroldik ǵylym akademiiasynyń fizika salasyndaǵy Nobel komiteti habarlaǵan bolatyn.
Komitet sheshiminde aitylǵandai, Penroýz «qara qurdymyń paida bolýy jalpy salystyrmalylyqtyń senimdi boljamy ekenin ashqany úshin» marapattaldy.
Gentsel men Gez galaktika ortalyǵynda salmaǵy aýyr, biraq yqsham nysandy ashqany úshin laýreat atandy.
Aita keteiik, Penroýz syiaqynyń jartysyn, Genzel men Gez jartysyn alady.
Esterińizge salsaq, ótken jyly Nobel syilyǵy «fizikalyq kosmologiia salasyndaǵy teoriialyq zertteýleri» úshin kanada-amerikalyq ǵalym Djeims Piblzge, sondai-aq shveitsariialyq astrofizik Mishel Maior men Dide Keloǵa «kún túrindegi juldyzdyń ainalasynda ekzoplanetany ashqany úshin» berilgen edi.
Buǵan deiin, 5 qazanda fiziologiia jáne meditsina boiynsha 2020 jylǵy Nobel syilyǵy S gepatiti virýsyn ashyp, osy dertpen kúreske úles qosqan ǵalymdar – amerikalyq Harvin Olter men Charlz Rais jáne britandyq Maikl Hoýton aldy.
