Fitch Ratings halyqaralyq reiting agenttigi Qazaqstannyń pandemiiaǵa deiingi táýelsiz kredittik reitingin «BBB» deńgeiinde rastady, boljam «Turaqty». Bul týraly primeminister.kz saity habarlady.
Fitch sarapshylary Qazaqstannyń turaqty reitingi eldiń kúshti fiskaldy pozitsiiasyn, turaqty syrtqy saýda balansyn jáne memlekettik boryshynyń tómen deńgeiin kórsetetinin atap ótti. Bul faktorlar qaterler aldynda el ekonomikasyna pandemiiamen jáne energetikalyq naryqtaǵy qubylmalylyqpen bailanysty soqqylarǵa qarsy turaqtylyq saqtaýǵa múmkindik berdi.
Ekonomikanyń naqty sektory jáne ShOB-ta iskerlik belsendilikti qoldaýǵa arnalǵan shyǵystardy arttyrýdyń arqasynda Úkimettiń aǵymdaǵy makroekonomikalyq saiasatynyń yntalandyrýshy áseri erekshe atap ótiledi.
Sonymen qatar, kredittik baǵalaýdyń turaqtylyǵynyń negizgi faktorlarynyń biri retinde eldiń eleýli halyqaralyq rezervteriniń bolýy (birinshi jartyjyldyqtyń qorytyndysy boiynsha JIÓ-niń 47%-y) keltiriledi, oǵan halyqaralyq qarjy aktivterine salynǵan investitsiialardan eleýli qaitarymy jáne altyn baǵasynyń ósýi arqyly qoldaý jasaldy.
Agenttik sonymen qatar Qazaqstannyń turaqty reitingine oń áser etken birqatar basqa faktorlardy atap kórsetedi, onyń ishinde ikemdi aiyrbas baǵamy, joǵary kapitaldandyrý jáne EDB jumys istemeitin kreditteriniń úlesiniń tómendigi bar.
Fitch aǵymdaǵy jyly Qazaqstannyń naqty JIÓ-niń 2022 jyly 4%-ǵa deiin údeýmen 3,5% deńgeiinde ósýin boljaidy.
Buǵan deiin, 2021 jyly 11 tamyzda Moody's kredittik agenttigi Qazaqstannyń reitingin «Turaqty» boljamymen Baa2 deńgeiine deiin kóterdi.
