Foto: Aqorda
Búgin «Aqorda» rezidentsiiasynda Finliandiia Prezidenti Aleksandr Stýbbty saltanatty túrde qarsy alý rásimi ótti. Bul – onyń Memleket basshysy retinde Qazaqstanǵa jasaǵan alǵashqy resmi sapary, dep habarlaidy Ult.kz.
Qasym-Jomart Toqaev pen Aleksandr Stýbb buǵan deiin BUU Bas Assambleiasynyń 80-sessiiasy aiasynda Niý-Iorkte kezdesken bolatyn.
Kelissóz barysynda taraptar ekijaqty yntymaqtastyqtyń ózekti máselelerin, sonyń ishinde investitsiia men saýda salasyndaǵy múmkindikterdi talqylady.
Prezident Toqaev Finliandiia Qazaqstan ekonomikasyna 2005 jyldan beri jarty milliard dollarǵa jýyq investitsiia salǵanyn atap ótti.
«Sizdiń saparyńyz – ekijaqty yntymaqtastyqty damytýǵa tyń serpin beredi. Eki el arasynda sheshilmegen másele joq. Búgin ótetin biznes-forým kásipkerler arasyndaǵy iskerlik bailanystardy nyǵaitýǵa jol ashady», – dedi Memleket basshysy.
Óz kezeginde Aleksandr Stýbb Qazaqstanǵa úshinshi ret kelgenin aityp, eki eldiń arasyndaǵy ekonomikalyq jáne saiasi bailanystardy keńeitýge daiyn ekenin jetkizdi.
«Finliandiiadan 20-dan astam iri kompaniia ókilderi keldi. Astanadan Isku jáne Honkarakenne siiaqty fin brendterin kórý biz úshin qýanysh. Sonymen qatar, syrtqy saiasat pen qaýipsizdik salasynda da ustanymdarymyz uqsas», – dedi ol.
Sapar aiasynda eki el basshylary biznes-forýmǵa qatysyp, jańa áriptestik jobalardy talqylaidy dep kútilýde.
