BAQ-ta Finiko-nyń negizin qalaýshylardyń biri Kirill Doronin ustalǵany týraly málimet jariialandy, - dep habarlaidy Tengrinews.kz tilshisi "Tatar-inform" aqparattyq agenttigine silteme jasap.
Agenttik byltyr jeltoqsanda Qazan qalasynyń quqyq qorǵaý organdary "Qarjy piramidasyn uiymdastyrý" baby boiynsha qylmystyq is qozǵaǵanyn, kompaniia keńselerinde tintý júrgizilgenin jazdy.
2021 jylǵy maýsymda The Finiko kompaniiasyna qatysty tergeý bastalǵany týraly Almaty prokýratýrasy habarlaǵan bolatyn. Vedomstvo málimetinshe, kompaniia azamattardy ai saiyn tólengen somanyń 150 paiyzyna deiin (eń tómengi salym 500 dollar) syiaqy tóleý shartymen qyzyqtarǵan. Bul rette kompaniia saitynda salymshylardyń sany Qazaqstan, Resei, Qyrǵyzstan, Armeniia, Belarýs, Ózbekstan, Túrkiia jáne basqa elderden 165 myń adamnan asatyny kórsetilgen.
Aita keteiik, buǵan deiin qarjy naryǵyn retteý jáne damytý agenttigi prokýratýranyń tapsyrmasy boiynsha kompaniianyń qyzmetin teksergen bolatyn. Agenttik Finiko-nyń jumysynda "qarjy piramidasy men qarjylyq alaiaqtyqtyń belgileri bar" dep baǵalady.
