Taal janartaýynyń atqylaýyna bailanysty jergilikti turǵyndar úshin Filippinniń Batangas provintsiiasynda jabylyp qalǵan qalalardyń sany 14-ke deiin ósti, dep habarlaidy ABS-CBN telearnasy.
Buǵan deiin Filipinniń tórt qalasynyń jabylǵanyn habarlanǵan bolatyn.
Jergilikti tabiǵi apattardyń saldaryn basqarý jáne azaitý jónindegi jergilikti basqarma basshysy Lito Kastronyń aitýynsha, juma kúni 14 shaqyrym radiýstaǵy qaýipti aimaqta turatyn barlyq jergilikti turǵynǵa úilerine oralýǵa tyiym salynǵan. Kastro juma kúngi málimet boiynsha 66 myńnan astam adam 283 evakýatsiialyq ortalyqqa jaiǵastyrylǵanyn atap ótti.
Eske sala keteiik, ótken jeksenbi kúni Taal janartaýy oianyp, bir shaqyrym biiktikke kúl atqylady.
Janartaýdyń atqylaýy saldarynan Filippin biligi Batanges provintsiiasyndaǵy úsh eldi mekenindegi 80 myńnan astam adamdy evakýatsiialaýǵa kirisken bolatyn
