Halyqaralyq fýtbol federatsiiasy («FIFA) onlain-formatta ótip jatqan resmi ashylý rásiminde jyl qorytyndysyn shyǵardy. Erler fýtbolyndaǵy jyldyń úzdik oiynshysy bolyp Polsha quramasynyń shabýylshysy Robert Levandovski atandy, dep habarlaidy championat.com saity.
Ol osy júldege talasqan «Iýventýs» shabýylshysy Krishtianý Ronaldý men «Barselona» shabýylshysy Lionel Messidi basyp ozdy.
Marapattaý rásiminiń onlain formatyna qaramastan, FIFA prezidenti Djanni Infantino marapatty jeńimpazdyń qolyna tapsyrý úshin Miýnhenge keldi.
Bul – 32 jastaǵy fýtbolshynyń alǵashqy marapaty. Al syilyqtyń budan burynǵy iegeri Lionel Messi edi.
2020 jyly Levandovski «Bavariia» quramynda chempionatty jáne Germaniia kýbogyn jeńip alyp, ÝEFA chempiondar ligasynyń jeńimpazy atandy. Robert Býndesliganyń da, Chempiondar ligasynyń da úzdik bombardiri boldy. FIFA marapaty frantsýzdyq France Football basylymy usynatyn «Altyn dop» syilyǵynan ózgeshe. 2020 jyly jýrnal eń jaqsy oiynshyny tańdamaýǵa sheshim qabyldaǵan edi.
