Foto: FIFA
Trofei áigili Tiffany&Co zergerlik brendimen birlesip jasalǵan. Kelesi jyly jańa formatta ótetin fýtboldan klýbtyq álem chempionatynyń jeńimpazdaryna beriledi.
Jańa kýbok 24 karattyq altynmen qaptalǵan. Trofeide álem kartasynyń graviýralary, FIFA-ǵa múshe barlyq 211 birlestiktiń ataýlary, fýtbol elementteriniń lazerlik sýretteri jáne 13 tildegi jazýlar, sonyń ishinde Brail shrifti de bar. Sonymen qatar týrnirdiń 24 bolashaq jeńimpaz klýbynyń emblemalaryn oiyp jazýǵa oryn qarastyrylǵan.
Týrnir 2025 jyldyń 15 maýsymy men 13 shildesi aralyǵynda AQSh-tyń 12 stadionynda ótedi.
