Foto:championat.com
Halyqaralyq fýtbol federatsiiasy (FIFA) Katarda ótken álem chempionatynda oiyndardyń ádil ótkenin tekserdi, - dep habarlaidy Tengrinews.kz portaly.
Resmi sait málimetinshe, fýtbol uiymy birjaqty qorytyndy jasaǵan, aldyn ala kelisilgen oiyndar anyqtalmady.
"FIFA-nyń qurǵan kóp múddeli Integrity Working Group toby fýtboldan álem chempionaty kezindegi barlyq matchti baqylaý jumysyn sátti aiaqtady. Ol matchterdi manipýliatsiialaý jáne ádil oiyn máselelerin qarastyrdy. Eshqandai jaǵdai anyqtalǵan joq.
Jumys tobynyń quramy fýtboldan álem chempionaty kezinde matchti manipýliatsiialaýdyń yqtimal oqiǵalary men ádil oiyn máseleleri týraly kez kelgen eskertýlerge bilikti jáne ýaqtyly jaýap berdi, - delingen habarlamada.
Buǵan deiin Frantsiiada 2022 jylǵy álem chempionatynyń final matchin qaita ótkizý týraly usynyspen petitsiia uiymdastyrǵan edi. Álem chempionatynda frantsýzdar Argentina quramasynan jeńilip qaldy.
