Qazaqstan telearnasy Reseide fýtboldan ótetin biylǵy Álem chempionatynyń oiyndary Astana ýaqyty boiynsha qashan bastalatyny týraly málimet taratty, dep habarlaidy QazAqparat tilshisi.
Aita ketsek, fýtboldan Álem chempionaty biyl Reseide 14 maýsym men 15 shilde aralyǵynda bolady. Bir aiǵa sozylatyn chempionattyń oiyndary 11 qaladaǵy 12 stadionda ótkiziledi. Resei óz tarihynda tuńǵysh reti Álem chempionatyn uiymdastyrý múmkindigine ie bolyp otyr.
Qazir fýtbol jankúierleriniń barlyǵy álem birinshiligin asyǵa kútýde. Erteń saǵat Astana ýaqyty boiynsha saǵat 21:00-de Resei men Saýd Arabiiasy komandalary arasynda chempionattyń alǵashqy oiyny ótpek. Barlyq oiyndy Qazaqstan jáne Qazsport arnalary kórsetedi.
Aita keterligi, fýtboldan Álem chempionatynyń 1/8 finaly 30 maýsym kúni, al qazaqstandyqtar Astana kúnin toilap jatatyn 6 shilde kúni - shirek final bastalady. Jartylai final 10-shy jáne 11-shi shilde kúnderi, final 15 shilde kúni ótedi.
