Tanymal Telegram-arnalardyń qatysýshylary mektep jasyna deiingi balalardyń JRVI-men aýyrý máselelesin talqylaýda. Olardyń aitýynsha, balalar burynǵyǵa qaraǵanda jii aýyra bastaǵan. Bul - mektep jasyna deiingi balalardy dezinfektsiialaýǵa arnalǵan zattarmen ádeii ýlaýdyń saldary. Bul - olai emes, dep habarlaidy Stopfake.kz saity.
Sanitarlyq-epidemiologiialyq baqylaý komiteti bul habarlamalarǵa qatysty pikirin bildirdi. Olardyń aitýynsha, kún sýytqandyqtan balalar jii aýyra bastaǵan.
– Respýblikada tirkelgen JRVI-men syrqattanýshylyqtyń maýsymdyq deńgeii baqylaý deńgeiinen aspaidy. Indetke qarsy jedel sharalardy qabyldaý maqsatynda QR halqynyń jiti respiratorlyq virýstyq infektsiialarmen jáne tumaýmen jáne tumaý virýsynyń ainalymymen syrqattanýshylyq jaǵdaiyna kún saiyn monitoring júrgiziledi. Tumaý emes respiratorlyq virýstardyń (paragripp, rinovirýs, adenovirýs jáne basqalary) ainalymy jáne A tumaýy virýsynyń sporadiialyq tirkelýi baiqalady. Aldyńǵy indet maýsymdardaǵydai, naýqastardyń negizgi úlesi shamamen 70% – 14 jasqa deiingi balalar quraidy, – dep túsindirdi vedomstvonyń resmi ókili Erjan Baitanaev.
Ol - balalar virýs juqtyrýdan emes, balabaqshalarda bólmelerge ádeii ýly zattar shashýdyń saldarynan aýyrady degen teoriiany joqqa shyǵardy.
– Qazaqstanda dezinfektsiialaý jumystaryn júrgizý úshin, onyń ishinde balabaqshalarda Qazaqstan Respýblikasy men Eýraziialyq ekonomikalyq odaq aýmaǵynda qoldanýǵa ruqsat etilgen jáne Eýraziialyq ekonomikalyq odaq elderiniń memlekettik tirkeý týraly kýálikteriniń biryńǵai tizilimine engizilgen quraldar qoldanylady, – dep habarlady Erjan Baitanaev.
JRVI aldyn alý úshin balalardy adam kóp jinalatyn oryndarǵa aparmaý kerek, turǵyn úidi jii jeldetip, bólmede ylǵaldy tazalaý júrgizý, qoldy sabynmen muqiiat jáne jii jýý nemese antiseptikter paidalaný qajet.
Demek, mektepke deiingi jastaǵy balalar balabaqshalarda áldebir qaýipti himikattar shashýdan aýyrady degen aqparat feik.
