Qaznette Qazaqstannyń aýmaqtyq tutastyǵyn buzyp, Táýelsizdigin joiýdy maqsat etetin Ult-azattyq qozǵalys (UAQ) atty uiymnyń jumys istep jatqany týraly habar tarady, dep habarlaidy "Ult aqparat" stopfake.kz saityna silteme jasap.
Áleýmettik jelilerdegi aqparatqa sáikes, onyń basshysy Resei Memlekettik Dýmasynyń depýtaty Evgenii Fedorov.
Jel qoldanýshylarynyń aitýynsha, UAQ uiymy ashyq jumys isteidi, tipti Almaty men Nur-Sultandaǵy óz keńselerine shaqyryp, qazaqstandyqtar arasynan jańa múshelerin qabyldaýda.
Shyndyǵynda, mundai uiym joq.
«Bul aqparat tekserildi. Joǵaryda atalǵan mekenjai boiynsha jáne jalpy, elorda aýmaǵynda «UAQ» dep atalatyn uiymnyń shtaby joq. Silteme feik, al osy uiymda aty atalǵan adamdar QR azamattary emes. Arandatýshylyq áreketterge barmaýlaryńyzdy suraimyz», – dep habarlady Nur-Sultan qalasynyń Politsiia departamenti.
Aita keteiik, feik aqparattyń bastapqy derekkózi joiyldy.
«Barshańyzdy tek resmi aqparatqa ǵana senýge shaqyramyz! Jańalyqtyń shynaiylyǵyn bizdiń portaldyń kómegimen tekserýge bolady. Ózińizdi qyzyqtyrǵan aqparatty t.me/stopfake_kz Telegram-arnasyna nemese +7 707 739 5599 WhatsApp nómirine jiberińiz»,-delingen habarlamada.
