Topyraqta ylǵal jetispeýshiliginen saqtandyrý shartyn jasasqan aýyl sharýashylyǵy taýar óndirýshileri saqtandyrý tólemderin alyp jatyr, dep habarlaidy "Ult aqparat" AShM baspasóz qyzmetine silteme jasap.
«Elimizde uzaqqa sozylǵan qurǵaqshylyqtyń saldarynan egistik alqaptary zardap shekti: aptap ystyq kún men qurǵaq jelder eginge jáne fermerlerdiń jaqsy ónim alýǵa degen úmitine nuqsan keltirdi.
Qurǵaqshylyq faktileri Qoldau.kz saitynda Agroinsurance júiesimen spýtnik málimetteri negizinde avtomatty túrde tirkeledi. Osylaisha, saqtandyrý jaǵdailary tirkelip, saqtandyrý kelisim-shartyna otyrǵan fermerler saqtandyrý tólemderin alyp jatyr», delingen habarlamada.
Buǵan deiin vdeomtsov, topyraq ylǵaldylyǵy jetispeýshiligi indeksiniń birinshi fazasy boiynsha jasalǵan 32 saqtandyrý kelisimshartymen 5 oblystyń fermerlerine (Aqmola, Shyǵys Qazaqstan, Qostanai, Pavlodar, Soltústik Qazaqstan oblystary) saqtandyrý kompaniialary 190,5 mln teńge tólengenin habarlady.
Topyraq ylǵaldylyǵy jetispeýshiligi indeksiniń ekinshi fazasy boiynsha 38 saqtandyrý kelisimshartymen 3 oblys (Aqmola, Qostanai, SQO) jáne Nur-Sultan qalasynyń fermerlerine saqtandyrý kompaniialary 314,1 mln teńge kóleminde tólem jasady.
Úshinshi faza boiynsha 5 oblystyń fermerleri (Aqmola, Shyǵys Qazaqstan oblysy, Qaraǵandy, Qostanai, Pavlodar oblystary) topyraq ylǵaldylyǵy tapshylyǵy indeksi boiynsha 56 saqtandyrý shartyn jasasqan bolatyn. Olar saqtandyrý kompaniialarynan 224,4 mln teńge somasynda tólem alady.
«Jalpy, úsh faza boiynsha saqtandyrý tólemderiniń somasy 729 mln teńge. Bul soma fermerlerdiń saqtandyrý polisterine jumsaǵan shyǵyndarynan 565,5 million teńge asty (729 myń teńge – 159,5 mln teńge)», delingen habarlamada.
Biyl saqtandyrý kompaniialary topyraq ylǵaldylyǵy tapshylyǵynyń indeksti saqtandyrý boiynsha jasalǵan 100 kelisimshart aiasynda jeti oblysta jáne elordada 121,3 myń ga aýmaqty saqtandyrdy. Bul kelisimsharttar boiynsha saqtandyrý syilyqaqylarynyń kólemi 319 million teńgeni qurady, onyń 159,5 million teńgesin fermerler tóledi, al 159,5 teńgeni aýyl sharýashylyǵyn saqtandyrý salasyndaǵy operator - Aýyl sharýashylyǵyn qarjylai qoldaý qory tóledi.
