Kortreikte ótip jatqan tennisten Federatsiia kýbogynyń irikteý kezeńinde Qazaqstan quramasy Belgiiadan utylyp qaldy, dep habarlaidy "Ult aqparat".
Bul joly áleminiń 63-raketkasy Zarina Diias reitingte 81-orynda turǵan Kirsten Flipkenspen synǵa tústi.
Negizi Zarina Isalin Bonavantiýrmen oinaýy kerek edi. Degenmen Belgiia quramasy ony aýystyryp, juptyq básekede kortqa shyǵýy tiis K.Flipkensti qosty. Bul taktika óz jemisin berdi. Belgiialyq sportshy 6:3, 6:4 esebimen jeńiske jetti.
Osylaisha belgiialyqtar 3:1 esebimen alǵa shyqty. Endi juptyq báseke eshteńe sheshpeidi. Belgiia 14-19 sáýirde Býdapeshte ótetin finaldyq saiysqa joldama aldy. Oǵan eń úzdik 12 qurama qatysady.
Eske sala keteiik, budan buryn Qazaqstannyń bir upai berip qoiǵanyn, Pýtintsevanyń tarazy basyn teńestirgenin, búgin onyń jeńilip qalǵanyn jazǵan bolatynbyz.
