Qazaqstan Respýlikasy Prezidentiniń Teleradiokesheni áskeri-patriottyq taqyryptaǵy «Taǵdyr jáne taǵylymdy tarih» atty derekti filmdi jariialady, - dep habarlaidy QazAqparat.
16 minýttyq derekti filmde Ekinshi dúniejúzilik soǵys kezinde fashizmdi jeńýdegi Qazaqstannyń qosqan úlesi týraly baiandalady.
Filmge Brest qamalyn qorǵaǵan qazaqstandyqtardyń estelik suhbattary men Qazaqstanda qurylǵan áskeri bólimderdiń jaýyngerlik áreketteri týraly tarihshylardyń pikir-paiymdary engizilgen. Sonymen birge derekti filmnen Halyq Qaharmany Qasym Qaisenovtyń arhivtegi suhbaty, Rahymjan Qoshqarbaevtyń Reihstagqa tý tikken erligi týraly estelikterdi kórýge bolady.
