Facebook kompaniiasy koronavirýsqa qarsy vaktsina týraly jalǵan aqparatty taratýǵa bailanysty jańa erejeni engizý jóninde sheshim qabyldady. Endi vaktsina týraly teris faktilerden turatyn kez kelgen aqparat Facebook jáne Instagram áleýmettik jelilerinen óshiriledi, dep habarlaidy Business Insider basylymy.
Dúisenbi kúni kompaniia «vaktsina» sózimen qatar qoldanylyp, teris aqparat retinde esepteletin sózder tizimin jańartty.
Tizim «ýlandyrǵysh», «ziian», sondai-aq «aýtizmniń damýyna septigin tigizedi» degen siiaqty sózdermen tolyqty.
Kompaniia virýs týraly jalǵan aqparatpen aqpan aiynyń basynan beri kúres júrgize bastaǵan.
COVID-19 qarsy vaktsinanyń «adam óltire alatyn» nemese «densaýlyqqa kúrdeli ziian keltire alatyn», «aýtizmniń nemese bedeýliktiń damýyna septigin tigize alatyny», «RNK-ny adamdy maimylǵa deiin ózgerte alatyndai ózgertetini» siiaqty mátinderden turatyn posttardyń Facebook jelisiniń barlyq platformalarynan joiylatyny týraly habarlanyp otyr.
Sondai-aq «ekpe saldyrǵannan góri, virýspen aýyryp shyqqan áldeqaida qaýipsiz» jáne «ekpe adamdardardyń kei toptary úshin qaýipti ekeni» jaily teris aqparat joiylady.
Sondai-aq saittan vaktsina ázirleý jáne olardyń tiimdiligi týraly feik málimetter alynyp tastalady.
Kompaniia jalǵan aqparat retinde esepteletin sózder tizimin jasamas buryn, DDSU jáne densaýlyq saqtaý salasyndaǵy taǵy basqa aldyńǵy qatarly uiymdarmen áńgime júrgizilgeni týraly habarlanǵanyn atap ótti.
2021 jyly Facebook kompaniiasy densaýlyq saqtaý salasyndaǵy máselelermen ainalysatyn jetekshi mamandar jáne milliardtaǵan adamdardy immýndaýda jumyldyrylǵan resmi tulǵalarǵa qoldaý kórsetýge nietti ekeni jaiynda atap ótildi.
Eske sala keteiik, byltyr qazan aiynda kompaniia QAnon-nyń astyrtyn sóz bailasýy teoriiasymen bailanysty paraqshalar men toptardy buǵattaǵan edi.
