Facebook áleýmettik jelisi alǵash ret Holokost oqiǵalaryn teriske shyǵaratyn nemese burmalaityn mazmundaǵy mátinderdi jariialaýǵa tyiym salatyn jańa erejeler engizdi, dep habarlaidy "Ult aqparat" BBC-ge silteme jasap.
Jańa erejelerge sáikes, Holokost oqiǵalaryn joqqa shyǵaratyn nemese burmalaityn kez kelgen mátindi Facebook áleýmettik jelisinde jariialaýǵa tyiym salynady. Eger mundai mazmun jariialansa, olar avtomatty túrde joiylyp otyrady. Facebook-tiń negizin qalaýshy, evrei ultynyń ókili Mark Tsýkerberg Holokostty joqqa shyǵaratyn adamdardyń bar ekendigi kóńilge qaiaý túsiretinin aitqan Recode-ge bergen suhbatynda. Osy kezge deiin mundai mándegi mátinder áleýmettik jelide erkin jariialanyp kelgen. Sóitip bul paidalanýshylardyń arasynda jaǵymsyz áser týdyrǵan. Holokost oqiǵalaryn joqqa shyǵaratyn nemese burmalaityn mátinderge tyiym salý týraly jańalyqqa Dúniejúzilik Evrei Kongresi de jaýap qatty. Kongress kompaniianyń bul sheshimin quptady.
