Meta kompaniiasynyń memlekettik saiasat jónindegi aimaqtyq direktory Djordj Chen Qazaqstan kontent týraly habarlandyrý júiesiniń bir bóligine ainalǵanyn rastady, - dep habarlaidy Tengrinews.kz tilshisi.
"Meta-da (burynǵy ataýy Facebook) búkil álem úkimetine jergilikti zańnamany buzady dep sanalatyn kontent týraly habarlaityn arnaiy onlain-arna (Content Reporting System, CRS) bar. Qazaqstan CRS quramyna endi", - dep jariialady Meta kompaniiasynyń qoǵamdyq saiasat jónindegi aimaqtyq direktory Djordj Chen Facebook-te.
Bul rette Aqparat jáne áleýmettik damý ministrligi Kontent týraly habarlandyrý júiesi - Meta-nyń (burynǵy Facebook) ishki aqparattyq júiesi sanalady, Facebook jáne Instagram platformalarynda anyqtalatyn, Meta jahandyq kontent saiasatyn da, júiege ruqsaty bar memleketterdiń ulttyq zańnama talaptaryn da buzatyn kontent týraly habarlandyrý jiberý úkimettik organdarmen ózara is-qimyldy uiymdastyrý úshin paidalanylady.
"CRS búkil memlekettiń, onyń ishinde Qazaqstan Respýblikasynyń ýákiletti organdary úshin kontent saiasatyna jaýap beretin Meta (Facebook) kompaniiasynyń halyqaralyq komandasymen tikelei bailanys arnasyn usynady", - dep málimdedi ministrlikte.
