Parijde Eifel munarasy baspaldaǵynyń bir bóligi saýdaǵa shyǵaryldy. Bul týraly Artcurial aýktsion úiiniń saitynda habarlandy.
Aýktsionǵa 1889 jyly jasalǵan, sol kezderi munaranyń ekinshi jáne úshinshi qabattaryn jalǵap turǵan spiral tárizdi baspaldaqtyń bir bóligi qoiylǵan. Lottyń biiktigi - 4,3 m, diametri - 1,73 m, salmaǵy - 900 keli.
Baspaldaqtyń bastapqy baǵasy 40-50 myń eýro tóńireginde baǵalanyp otyr. Aýktsion 27 qarasha kúni ótedi. Habarlarǵa qaraǵanda, Gýstav Eifeldiń tóltýma vintti baspaldaǵy 1983 jyly demontajdalǵan.
