2018 jyly 1 maýsymnan bastap "Báiterek" holdinginiń - "Baiterek development" AQ enshiles uiymy Astana qalasyndaǵy EKSPO aýmaǵynda ornalasqan turǵyn úilerdi ótkize bastaidy. Páterler men kólik turaqtary satylymǵa naryq jaǵdaiynda shyǵarylady, - dep habarlaidy "Ult aqparat" holdingtiń saityna silteme jasap.
"2016 jyly Astana qalasyndaǵy EKSPO-2017 halyqaralyq mamandandyrylǵan kórmesin ótkizý ýaqytynda shet el delegatsiiasy qatysýshylarynyń turýy úshin 42 turǵyn úi salyndy. Jyljymaityn múlik nysandary Ulttyq qor men jobalaý kompaniialarynyń investitsiiasyna salyndy. Memlekettiń turǵyn úige bólingen qarjyny qaitarý, naryqta jyljymaityn múlikti satý arqyly bolady", - deidi "Báiterek development" AQ Basqarma Tóraǵasynyń orynbasary Asqarbek Óserbaev.
EKSPO qalashyǵynda kólik turaǵymen páterdi kez-kelgen adam óziniń qarjysyna nemese "Qazaqstannyń turǵyn úi qurylys jinaq banki" AQ ekinshi deńgeili bankterden ipotekalyq qaryz alý arqyly alady.
Óserbaev EKSPO turǵynjailaryn satýdyń ashyqtyǵyn qamtamasyz etý úshin, ótinish qabyldaýdy Digital Baiterek onlain-platforma arqyly júrgizý josparlanyp otyrǵanyn aitty.
Turǵyn úidiń jailylyǵy II klassty jáne taza árleýde ótkiziledi. Bir bólmeli páterdiń aýmaǵy 41,3-50,7 sharshy metr; eki bólmeli - 60,8-75,6 sharshy metr, úsh bólmeli - 85,3-104,9 sharshy metr, tórt bólmeli - 108,4-123,7 sharshy metr. Jýyq arada jyljymaityn nysandardyń baǵasy táýelsiz konsalting kompaniiasyn tartýmen anyqtalatyn bolady.
