Dýbaida ótip jatqan EXPO-2020 kórmesinde Qazaqstan pavilony «Álem beinesi» art-jobasymen Ginnestiń rekordtar kitabyna endi, dep habarlaidy QazAqparat.
«EXPO-2020 Dubai dúniejúzilik kórmesinde Qazaqstan Respýblikasynyń Ulttyq pavilonynda usynylǵan «Álem beinesi» art-jobasy Ginnestiń rekordtar kitabynyń sertifikatyna ie boldy. Sertifikatty saltanatty tapsyrý rásimi Qazaqstan pavilonynyń sahnasynda ótti», - delingen Qazinvest kompaniiasy taratqan aqparatta.
«Álem beinesi» art-jobasy – pavilonǵa álemniń túkpir-túkpirinen kelgen adamdar qylqalam jáne boiaýlardyń kómegimen óz qoltańbasyn qaldyrǵan Jer planetasynyń keneptegi túpbeinesi. Keneptiń ólshemi planetamyzdyń kishireitilgen fizikalyq parametrleriniń uzyndyǵy men enine sáikes keledi. Kartinanyń negizgi ideiasy EXPO-2020 Dubai kórmesiniń «Aqyl-oidy biriktire otyryp, bolashaqty qalyptastyrý» taqyrybymen úndesedi. Art-jobanyń maqsaty – bizdiń ǵalamsharymyzda ómir súretin adamdardy Ulttyq pavilonnyń aýmaǵynda ornalasqan bir óner týyndysy arqyly biriktirý. Kartina – beibitshilik, birlik, úilesimdilik jáne dostyq siiaqty qundylyqtardyń nyshany.
Búgingi tańda álemniń 193 elinen kelgen 1900-den astam pavilon qonaqtary men kelýshileri kartina betinde ózderiniń «izin» qaldyrdy. Olardyń arasynda álemge tanymal Gollivýd aktrisasy Bai Ling, amerikalyq kásipqoi boksshy Roi Djons, qazaqstandyq rejisser Timýr Bekmambetov, reseilik ánshi Valeriia, qazaqstandyq kásibi veloshabandoz Aleksandr Vinokýrov jáne basqalary bar.
