Orystyń tanymal aqyny Evgenii Evtýshenko 85 jasqa qaraǵan shaǵynda AQSh-ta dúnieden ótti. Bul týraly aqynnyń dosy Mihail Morgýliske silteme jasap TASS agenttigi habarlady.
«Bes minýt buryn Evgenii Aleksandrovich máńgilik saparǵa attandy» degen Morgýlis.
Aqynnyń mereitoiyna arnap ótkizilmek bolǵan festivaldyń bas prodiýseri Sergei Vinnikov Evtýshenko ózin Peredelkino kentindegi Boris Pasternaktyń beiitiniń qasyna jerleý týraly ósiet qaldyrǵanyn aitqan.
Buǵan deiin Evgenii Evtýshenko AQSh-ta aýrýhanaǵa aýyr halde túskeni habarlanǵan.
2015 jyly Evtýshenkonyń júregine operatsiia jasalyp, kardiostimýliator ornatylǵan. Oǵan deiin 2013 jyly dárigerler aqynnyń oń aiaǵyn kesken edi.
Aqyn, prozashy, stsenarist ári akter retinde tanylǵan Evgenii Evtýshenko 150-den asa kitap jazǵan, onyń shyǵarmalary álemniń kóptegen tilderine aýdarylǵan. 1963 jyly Evtýshenkony Nobel ádebiet syilyǵyna usynǵan.
1991 jyly otbasymen birge AQSh-qa qonys aýdarǵan aqyn Oklahoma shtatyndaǵy Talsa qalasynda turdy, sondaǵy jergilikti ýniversitette dáris bergen.
