Nepalda Everesten shyqqan qoqys óner týyndylaryna ainalady. Osylaisha, el biligi álemdik qaýymdastyqty dúnie júzindegi eń biik taýdyń rekordtyq lastanýy týraly eskertýge tyrysýda, dep habarlaidy Reuters agenttigi.
Alpinister men trekerler tastaǵan qoldanylǵan ottegi ballondary, jyrtylǵan shatyrlar, arqandar, synǵan baspaldaqtar, kanistrler jáne plastikalyq oramdar 8848,86 metrlik shyń men onyń ainalasyndaǵy jerlerdi lastap jatyr.
Joba jetekshisi jáne Nepaldaǵy kelýshilerge arnalǵan aqparat ortalyǵynyń jáne qoqysty qaita óńdeý nysanynyń teń quryltaishysy Tommi Gýstafsson sheteldik jáne jergilikti sýretshiler qaldyqtardan sándik óner jasaýmen ainalysatynyn, sonymen qatar olar turǵyndardy osyǵan úiretetinin aitty. Ortalyqtyń ózi Siangbochta 3,7 myń metr biiktikte, Everestiń bazalyq lagerine aparatyn negizgi jolda ornalasqan.
«Biz qatty qaldyqtardy qymbat óner týyndylaryna qalai ainaldyrýǵa bolatynyn jáne jumys oryndary men kiristi qalai qamtamasyz etýge bolatynyn kórsetkimiz keledi. Biz adamdardyń qoqys týraly túsinigin ózgertemiz dep úmittenemiz», - dedi Gýstafsson Reuters agenttigine.
