Eýropalyq Odaq elderinde koronavirýs rekordy jańaryp jatyr. Frantsiiada sońǵy táýlikte 208 myń virýs juqtyrý jaǵdaiy tirkeldi, sarapshylar qańtardyń basynda bul kórsetkish 250 myńǵa deiin ósedi dep qorqady. Sonymen qatar Daniia men Portýgaliiada juqtyrý jaǵdailary kúrt kóbeidi, dep habarlaidy QazAqparat Euronews agenttigine silteme jasap.
Dúniejúzilik densaýlyq saqtaý uiymy kelesi jyldyń ortasyna deiin álem elderiniń 70%-yn vaktsinamen qamtý úshin kúsh salýda.
Oǵan uiymnyń bas direktory Tedros Adan Gebreiesýs shaqyrady.
«Omikronnyń juqpalyraq ekenine qaramastan, deltamen birge taralyp jatqandyǵy alańdatady. Saldarynan meditsina qyzmetkerleri men densaýlyq saqtaý júielerine úlken salmaq túsýde», - dedi ol.
Germaniianyń densaýlyq saqtaý ministri Karl Lýterbahtyń aitýynsha, qazirgi kezde juqtyrý jaǵdailarynyń barlyǵy anyqtalyp jatqan joq, negizinde virýs juqtyrǵandar sany derekterdegi kórsetkishterden edáýir kóp.
«Shyn máninde juqtyrý jaǵdailary eki nemese úsh ese kóp. Sonymen qatar virýstyń omikron shtamyn juqtyrý jaǵdailary artýda, bul da qatty alańdatady», - dedi ministr.
Grekiiada qańtarǵa josparlanǵan jańa sharalar ýaqytynan erte engizilip jatyr, sebebi seisenbi kúni elde 21 myń juqtyrý jaǵdaiy tirkelegen.
Bul bir kún burynǵy kórsetkishten eki ese kóp.
Ispaniiada da virýs juqtyrǵandar qatary kúrt kóbeidi, bir táýlikte 100 myń adam virýs juqtyrǵan.
Alaida el biligi jumysshylar tapshylyǵyn boldyrmaý maqsatynda oqshaýlaý ýaqytyn on kúnnen jeti kúnge azaitqan.
