ەۋروپالىق وداق ەلدەرٸندە كوروناۆيرۋس رەكوردى جاڭارىپ جاتىر. فرانتسييادا سوڭعى تەۋلٸكتە 208 مىڭ ۆيرۋس جۇقتىرۋ جاعدايى تٸركەلدٸ, ساراپشىلار قاڭتاردىڭ باسىندا بۇل كٶرسەتكٸش 250 مىڭعا دەيٸن ٶسەدٸ دەپ قورقادى. سونىمەن قاتار دانييا مەن پورتۋگالييادا جۇقتىرۋ جاعدايلارى كٷرت كٶبەيدٸ, دەپ حابارلايدى قازاقپارات Euronews اگەنتتٸگٸنە سٸلتەمە جاساپ.
دٷنيەجٷزٸلٸك دەنساۋلىق ساقتاۋ ۇيىمى كەلەسٸ جىلدىڭ ورتاسىنا دەيٸن ەلەم ەلدەرٸنٸڭ 70%-ىن ۆاكتسينامەن قامتۋ ٷشٸن كٷش سالۋدا.
وعان ۇيىمنىڭ باس ديرەكتورى تەدروس ادان گەبرەيەسۋس شاقىرادى.
«وميكروننىڭ جۇقپالىراق ەكەنٸنە قاراماستان, دەلتامەن بٸرگە تارالىپ جاتقاندىعى الاڭداتادى. سالدارىنان مەديتسينا قىزمەتكەرلەرٸ مەن دەنساۋلىق ساقتاۋ جٷيەلەرٸنە ٷلكەن سالماق تٷسۋدە», - دەدٸ ول.
گەرمانييانىڭ دەنساۋلىق ساقتاۋ مينيسترٸ كارل لۋتەرباحتىڭ ايتۋىنشا, قازٸرگٸ كەزدە جۇقتىرۋ جاعدايلارىنىڭ بارلىعى انىقتالىپ جاتقان جوق, نەگٸزٸندە ۆيرۋس جۇقتىرعاندار سانى دەرەكتەردەگٸ كٶرسەتكٸشتەردەن ەدەۋٸر كٶپ.
«شىن مەنٸندە جۇقتىرۋ جاعدايلارى ەكٸ نەمەسە ٷش ەسە كٶپ. سونىمەن قاتار ۆيرۋستىڭ وميكرون شتامىن جۇقتىرۋ جاعدايلارى ارتۋدا, بۇل دا قاتتى الاڭداتادى», - دەدٸ مينيستر.
گرەكييادا قاڭتارعا جوسپارلانعان جاڭا شارالار ۋاقىتىنان ەرتە ەنگٸزٸلٸپ جاتىر, سەبەبٸ سەيسەنبٸ كٷنٸ ەلدە 21 مىڭ جۇقتىرۋ جاعدايى تٸركەلەگەن.
بۇل بٸر كٷن بۇرىنعى كٶرسەتكٸشتەن ەكٸ ەسە كٶپ.
يسپانييادا دا ۆيرۋس جۇقتىرعاندار قاتارى كٷرت كٶبەيدٸ, بٸر تەۋلٸكتە 100 مىڭ ادام ۆيرۋس جۇقتىرعان.
الايدا ەل بيلٸگٸ جۇمىسشىلار تاپشىلىعىن بولدىرماۋ ماقساتىندا وقشاۋلاۋ ۋاقىتىن ون كٷننەن جەتٸ كٷنگە ازايتقان.
